דער בלוטיקער שפּאַס
דאָס נײַנטע קאַפּיטל.
דרײַצן מעדאַליסטן
די ערשטע מינוט, אַז אונדזער פּאָפּאָװ־ראַבינאָװיטש איז געװױרע
געװאָרן, אַז ער איז פֿאַרבליבן הענגען אין דער לופֿטן, האָט ער
זיך געפֿילט מאָדנע נײַ... ער האָט קײן צײַט ניט געהאַט נאָך רעכט
באַטראַכטן די לאַגע, זיך אָפּגעבן דין־וחשבון, אַרומצוקוקן זיך, װוּ
ער איז אין דער װעלט, און האָט זיך באַגעגנט מיט זײַנע נײַע
באַקאַנטע. פֿריִער מיטן אױסגעפּוצטן לאַפּידוסן, דערנאָך מיטן
טראַגי־קאָמישן טומאַרקינען.
― נו? ― האָט אים לאַפּידוס אָפּגעשטעלט מיט אַ ביטער
געלעכטערל און אָנגענומען בײַם אַרבל און אַרײַנגעקוקט אים אין די
אױגן אַרײַן, גלײַך װי ער װאָלט שױן געװוּסט, אַן ראַבינאָװיטש איז
נישט קײן צוגענומענער, און גלײַך װי ער װאָלט געװען דערפֿון העכסט
צופֿרידן. ― װאָס האָב איך אײַך געזאָגט, הי? טאַקע כּדאַי געװען
אײַך צו האָרעװען אַכט יאָר, דערשלאָגן זיך צו אַ מעדאַל!... נײן,
איך װעל אַנדערש טאָן. איך װעל זיך מיט זײ אָפּרעכענען! זײ
זאָלן אַפֿילו אױפֿלױפֿן, װעל איך זײַן אַ סטודענט! און אַחוץ דעם,
װאָס איך אַלײן װעל אַרײַן אין אוניװערסיטעט, װעט מען צוליב מיר
מוזן צונעמען נאָך אַ ייִדן, און אפֿשר טאַקע אײַך, ראַבינאָװיטש,
װי מײנט איר, הי?
לאַפּידוס האָט געזען נאָך ראַבינאָװיטשעס קוקן אױף אים,
אַז ער הײבט ניט אָן צו פֿאַרשטײן, װי אַזױ װעט ער, ראַבינאָװיטש,
קאָנען צוליב אים, לאַפּידוסן, אַרײַנטרעטן אין אוניװערסיטעט אַרײַן?
האָט ער אים אָנגענומען בײַם קנעפּל און גענומען אים אױסברײַען
אַ גאַנצע טעאָריע פֿון פּראָצענט־נאָרמע.
דער פּשט האָט באַדאַרפֿט זײַן אַזױ: אין אוניװערסיטעט װערן,
|
|
der blutiker shpas
dos naynte kapitl.
draytsn medalistn
di ershte minut, az undzer popov-rabinovitsh iz gevoyre
gevorn, az er iz farblibn hengen in der luftn, hot er
zikh gefilt modne nay... er hot keyn tsayt nit gehat nokh rekht
batrakhtn di lage, zikh opgebn din-ukheshbn, arumtsukukn zikh, vu
er iz in der velt, un hot zikh bagegnt mit zayne naye
bakante. frier mitn oysgeputstn lapidusn, dernokh mitn
tragi-komishn tumarkinen.
― nu? ― hot im lapidus opgeshtelt mit a biter
gelekhterl un ongenumen baym arbl un arayngekukt im in di
oygn arayn, glaykh vi er volt shoyn gevust, an rabinovitsh iz
nisht keyn tsugenumener, un glaykh vi er volt geven derfun hekhst
tsufridn. ― vos hob ikh aykh gezogt, hi? take keday geven
aykh tsu horeven akht yor, dershlogn zikh tsu a medal!... neyn,
ikh vel andersh ton. ikh vel zikh mit zey oprekhenen! zey
zoln afile oyfloyfn, vel ikh zayn a student! un akhuts dem,
vos ikh aleyn vel arayn in universitet, vet men tsulib mir
muzn tsunemen nokh a yidn, un efsher take aykh, rabinovitsh,
vi meynt ir, hi?
lapidus hot gezen nokh rabinovitshes kukn oyf im,
az er heybt nit on tsu farshteyn, vi azoy vet er, rabinovitsh,
konen tsulib im, lapidusn, arayntretn in universitet arayn?
hot er im ongenumen baym knepl un genumen im oysbrayen
a gantse teorye fun protsent-norme.
der pshat hot badarft zayn azoy: in universitet vern,
|
דער בלוטיקער שפּאַס
דאָס נײַנטע קאַפּיטל.
דרײַצן מעדאַליסטן
די ערשטע מינוט, אַז אונדזער פּאָפּאָװ־ראַבינאָװיטש איז געװױרע
געװאָרן, אַז ער איז פֿאַרבליבן הענגען אין דער לופֿטן, האָט ער
זיך געפֿילט מאָדנע נײַ... ער האָט קײן צײַט ניט געהאַט נאָך רעכט
באַטראַכטן די לאַגע, זיך אָפּגעבן דין־וחשבון, אַרומצוקוקן זיך, װוּ
ער איז אין דער װעלט, און האָט זיך באַגעגנט מיט זײַנע נײַע
באַקאַנטע. פֿריִער מיטן אױסגעפּוצטן לאַפּידוסן, דערנאָך מיטן
טראַגי־קאָמישן טומאַרקינען.
― נו? ― האָט אים לאַפּידוס אָפּגעשטעלט מיט אַ ביטער
געלעכטערל און אָנגענומען בײַם אַרבל און אַרײַנגעקוקט אים אין די
אױגן אַרײַן, גלײַך װי ער װאָלט שױן געװוּסט, אַן ראַבינאָװיטש איז
נישט קײן צוגענומענער, און גלײַך װי ער װאָלט געװען דערפֿון העכסט
צופֿרידן. ― װאָס האָב איך אײַך געזאָגט, הי? טאַקע כּדאַי געװען
אײַך צו האָרעװען אַכט יאָר, דערשלאָגן זיך צו אַ מעדאַל!... נײן,
איך װעל אַנדערש טאָן. איך װעל זיך מיט זײ אָפּרעכענען! זײ
זאָלן אַפֿילו אױפֿלױפֿן, װעל איך זײַן אַ סטודענט! און אַחוץ דעם,
װאָס איך אַלײן װעל אַרײַן אין אוניװערסיטעט, װעט מען צוליב מיר
מוזן צונעמען נאָך אַ ייִדן, און אפֿשר טאַקע אײַך, ראַבינאָװיטש,
װי מײנט איר, הי?
לאַפּידוס האָט געזען נאָך ראַבינאָװיטשעס קוקן אױף אים,
אַז ער הײבט ניט אָן צו פֿאַרשטײן, װי אַזױ װעט ער, ראַבינאָװיטש,
קאָנען צוליב אים, לאַפּידוסן, אַרײַנטרעטן אין אוניװערסיטעט אַרײַן?
האָט ער אים אָנגענומען בײַם קנעפּל און גענומען אים אױסברײַען
אַ גאַנצע טעאָריע פֿון פּראָצענט־נאָרמע.
דער פּשט האָט באַדאַרפֿט זײַן אַזױ: אין אוניװערסיטעט װערן,
|