lider

yisroyl nekrasov



1.
s'vilt zikh geyn, s'vilt zikh geyn on an ek
iber trukene shtoybike vegn.
tsu fargesene ruike bregn
zol er doyern eybik, mayn veg.
vu zhe ligt der farloyrener veg?
ergets hinter a shney un a regn.
s'iz a kleynikayt, vos ikh bagegn,
nor ikh shrek zikh dergreykhn dem tsvek.
zol er zayn in a vaysn tuman,
ergets vayter vi toln un yam|en,
nor ikh gleyb, er iz take faran,
un mir veln zayn tomed tsuzamen.
nor ikh veys, az es ligt ergets dort
dos balibte farborgene ort.

2.
a|yeder ovnt brengt mir
a metsiye mit a farlust
in eynem.
er iz glaykhtsaytik ful un pust.
ikh hob derfilt
a kaltn vint
fun a farmakhter fremder velt.
dos iz a veg
in labirynt.

3.
a shtub iz do af an ander ek shtot,
zi shteyt unter shney un vint.
keyner iz in der shtub nito,
zaynen di shoybn blind.
der ganik iz foyl, di trep zaynen shtum,
di stezhkes zaynen farshneyt,
un shvartse sosnes shteyen arum,
shushken zikh shtilerheyt.
nor se shorkhet emetsns shtiler trot,
emets geyt un shtelt zikh nit op.
un a shvakher lamtern bashaynt dem rog,
shoklendik mitn kop.

4.
a toyte sosne shteyt in mitn vald,
di nodlen hobn zikh aropgeshotn,
fartriknt iz ir toyter guf un kalt,
nor dakht, zi lebt fun destvegn un otemt.

un frier iz zi lebedik geven,
getsoygn zikh tsum himl vi a strune,
di kore hot in zunshtraln gebrent,
un smole iz vi blut arumgerunen.

s'hot zikh gezetst a pik|holts afn shtam
un iber tsvaygn zaynen laykht geshprungen
tsvey shtiklekh, opgerisene fun flam,
tsvey vevrikes ~~~~ tsvey royte fayertsungen.