nokh-yom-tov|dik
kharizmatishe figurn hinter shoybn fun vitrines.
a derbaremdiker godl oyfn same oybn-on.
tsvey fantastishe planetn, gor an alter seyfer kines.
tsvangen rostike in kastn. tirn. may komashme lon?
pofn vintertsayt di bern. zhlyoket bronfn a fonyatshke.
shteyt farglivert a baal-tshuve. blien royzn oyf a gas.
faln umetike verter. oyf a stavek shvimt a katshke.
klapn shusters inem over. vos vet zogn a bar-das?
kalemutne rines shtromen, zikh ayngisndik in taykhn.
oyf a tovl shraybt a lerer mit a lord dem ershtn os.
a meshune|dike breyre dreyt zikh bay a veg a glaykhn.
an akhzoryes|diker kisr fodert shtayers on a mos.
baym baal-meye un baal-deye oyb in kemekh iz in toyre.
dino demalkhuso dino khotsh dor ayn un khotsh dor oys,
raykh vi koyrekh un Kl-yoymov peyger|t fun a more-shkhoyre
kimey oylem ukeshonem --- alts foroys, foroys, foroys.
di geretenish fun felder shenkt a sheyfe oyfrays-min|es.
homen-tashn filt di bobe purim|dik mit pulver-mon.
kharizmatishe figurn hinter shoybn fun vitrines.
a derbaremdiker godl oyfn same oybn-on.
teloviv, Tshs''b
hiyney zokant uvonaykh ...
kholeres
durkh prizmes fun yomem-noroyem ---
azoy gor
antplekn mir zikh farn droysikn oylem.
es vilt zikh
zayn stam a midber lesate, a min or l|goyem,
nor muz men
dokh zogn Kl-nidrey. der oylem --- a goylem.
ma shimkho?
ver bistu in tokh on di klipes-gilgulem, du, amkho, tsezeyt un tseshpreyt iber lender un tsaytn?
akeyde
far itsikn iz tsugegreyt. shik in shul im,
zol vern
dayn itsik aza vi geven bay di laytn.
ma yofis!
es vert nisht fargesn der mineg der alter.
es vart nokh
a khopte fun yungen oyf yenem Avrem|en.
es falt nokh
di hant. un der malekh? nokh shalt er,
vi beyze
mashines mit fligl oyf aerodromen.
un efsher,
vet andersh zayn alts nokh der letster nile?
avade!
mir hobn fun lang shoyn geshribn antshprekhike tnoyem.
s'vet kumen
moshiyekh un rufn undz khas vekholile.
es vilt zikh
zayn stam a midber lesate,
a goy kekhol h|goyem.
W''#, Tshs''b
nokh Yehude leyb gordon
lemi ani omeyl? --- ikh horeve den?
ot flegt men amol take nemen a sten
un geyn oyf a kumzits un shafn a lid,
zol zayn fray un freylekher a poshet|er yid.
un itster? --- un itster iz altsding farkert.
a zinger hot klal fun keyn sten nit gehert.
er kumt in kavyarnye oyf shenkn un zitst,
veyl dort iz di muze di yidishe itst.
tsi efsher in goles, l|eyvr-h|yam?
- ikh bin nit keyn yoyred. ikh makh zikh dokh stam.
kh'vel blaybn in erets-yisroyl aleyn
tsu zingen mayn lid, vos iz ful mit geveyn.
o, toln un berg fun mayn frum-heylik land!
ikh bin ayer zinger! ikh klap kop in vant
un veyn bay der vant. s'iz natirlekh. s'tut vey.
nor ver vet derhern mayn himlgeshrey?
W''#, Tshs''b
mit biks in hant
un azoy vestu zitsn
on a rir, on an otem, on shum
toyte narishe troymen, vos hobn geshtert dir tsu zayn.
un der zoyerik-ziser motiv vet shoyn oyfhern gnedik
arum-klingen, brekhndik tayere keylem
un tsegisndik shtiferish vayn.
vest bakumen dayn boym,
ful mit faygn un shotndik kil,
in dayn eygenem vayngortn, un bekhlal nit dem tatns, nor dayn.
alts vet zayn azoy ruik, azoy alt, azoy blas, azoy shtil,
un s'vet blaybn nor shpirn
nokh dem shpiln in shotns-un-shayn.
di geshikhte vet kumen tsum sof.
s'vet zikh opshteln foyl oykh di tsayt.
nor di vasern veln nokh shtromen arop un aroyf.
un vest visn natirlekh, on trakhtn, genoy, vos badayt
altsding unter dem himl
in dayn umbaveglekhn guf.
un vest hobn b|deye
ekzistirn umendlekh un gor
nisht bashafn, vayl alts iz a hovl un alts iz b|meyle faran,
un vest laydn far hunger funem visn bekhol dor v|dor,
az dayn so|d iz a sod,
nor dayn gortn iz fort nit keyn gan.
kdumim, Tshs''b
ahavas-khinem
kh'hob zikh poshet dershrokn
fun ot der
ummeglekher libe.
zi iz take ummeglekh
geven oyf
an ernstn derfarenem kuk.
mamesh shvartsmans romantik
un dertsu ---
mit a trer vi bay frug
un derbay mit a lebns-kraft
bunt vi bay
Tevye|'n, on shtik, on a sibe.
kh'hob zikh poshet dershrokn
un fort
kh'bin gegangen nokh ir vi a kalb,
vos er geyt un er veyst nit
tsu vos ---
zoygn milkh tsi oyf shkhite.
oystsumaydn di temimes
helft tsu
a gepruvte shoyn shite.
nor zi arbet nit do,
vu me hot nit lib
karg, oyf a halb.
kh'hob zikh poshet dershrokn,
az dem neys veln vintn
tseveyen
un zey veln tsetrogn
fragmentn fun mayn
tsertlekh-tsiterdik glik.
un az ikh vel nit konen
gefinen keyn veg oyf tsurik.
un kh'vel oysgeyn umzist,
mit kelbishe himlgeshreyen.
kh'hob zikh poshet dershrokn.
un derfar bin ikh mutik un shtark.
un ikh shpan vi a kalb
freylekh iber dem payn-veg dem grinem.
un ikh gleyb, az s'vet zign dokh
altsding di libe b|khinem,
vi di khelemer shtupndik
freylekh un munter dem barg.
teloviv, Tshs''b
vartndik oyf libe
oy, ikh ken nit shteyn
gor ruik oyf an ort.
shakhres bin ikh do
un mayrev --- ergets dort.
dos iz a mekhaye
un a shverer ol.
kh'vil oyf ale simkhes
tantsn mit a mol.
un klezmorem shpiln
un dos redl yogt,
vu ikh hob genekhtikt,
vu ikh hob getogt.
lebn tsi nisht lebn ---
keyn frage iz nishto ---
fraytik bin ikh dort
un oyf shabes --- do.
vilstu --- shvayg,
vilstu --- bray ---
voleyns --- noleyns
bin ikh fray.
vilst --- zay tsart,
vilst --- zay hart ---
veylst nisht fort
dayn lebns-art.
kh'hob gezen
a neys mn h|shomayem,
un geblibn
dokh a khay-vekayem.
kh'hob oyf im
lang gevart.
s'iz mayn tsil
un mayn lebns-art.
un ikh vel nit shteyn
stam ruik oyfn ort.
ruik bin ikh do,
nor gliklekh --- ergets dort.
dos iz dokh mayn teyve
un mayn ziser ol.
kh'muz oyf ale simkhes
tantsn mit a mol.
beys di klezmer shpiln
un dos redl yogt,
hob ikh benemones
epes tsugezogt.
hob ikh shoyn tserisn
fil mol mayne shikh.
dos iz mayn farflikhtung,
ober vu bin ikh?
keyn shtile shimenesre
iz mir nit oystsushteyn.
alts iz relativ dokh,
vi s'hot antplekt aynshteyn.
ikh bin fun mitsrayem
vandern aroys,
tsum kheyres tsum alt-nayem
fun der mames shoys.
der midber iz mayn klole,
der midber iz mayn brik.
er farnart mikh zukhn
a stezhke oyf tsurik.
eng iz in dem midber,
khotsh er iz kloymersht groys,
un er traybt keseyder
foroys, tsurik, foroys.
kfar-#ldd, Tshs''g
keyver-Yoysef
vi a hunt, vos er kukt fun der vaytn
oyf zayn khorev-gemakhtn hoyf,
un er dreyt zikh arum un arum
un dervagt nit lesate arayn,
ot azoy, a tseshlogter,
shtey ikh beyz oyfn shpits funem barg
un ikh kuk fun dem oybn arunter
un ikh lek zikh arum.
un di vundn zey tuen nokh vey,
un ikh kon nit avekgeyn.
un es heykht zikh der heyliker barg,
a farshramter fun alte vikukhem,
mit khurves fun ur-alte tifles
un betonene itstike shuts-vent.
ikh bahalt zikh dervayl inem shotn,
nor ikh sharf erev shlakht mayne tseyn.
mayn geduldikn grimtsorn hit ikh
- vi a hunt.
kiryas-luz|h --- kfar-#ldd, Tshs''g
s'iz nimes gevorn alts vider un vider derklern dos klore.
es vet nit farendikn keyn mol dem altn vikoyekh
- gey veys vegn vos! s'zol im nemen b|ganeyve a ruekh
un alts vet mistome zayn ruik un shtil keyn enore.
s'iz nimes gevorn tsu zayn nor a sheyni-l|meylekh,
zikh varemen knekhtish bay emetsns porets|isher gedule.
ikh hob zikh dokh oykhet gelernt in a rusisher shule.
dehayne, a sofek, az shtendik zayn umshtimik vel ikh.
s'iz nimes un fort bin ikh mamshekh tsu shvaygn lesate
tsi oyfbroyzn tshates fun moyre|dik-murdishe verter,
vos zaynen nit vert keyn tsvey zamdlekh tsu baytn mit erter...
s'iz troyerik etvos zikh oyszen aza tamevate.
tsi bin ikh shoyn groys? s'iz a ponem a narishe shayle.
me muz ton a pruv, un der emes vet bald zikh antplekn.
tsi zitst oyf eyn ort, tsi geyst ergets bafrayt mit a shtekn.
kh'vel geyn, ober frier iz beser nokh vartn a vayle.
ramat-gan, Tshs''g