dray lider

beyle shekhter-gotesman

in ongeloyf fun reyd

in
ongeloyf fun reyd
onlod afn moyekh
vu zent ir shtile khrezantemes
mayne vent gole fantomen
bahangen mit nekhtike shotns,

vi an ontsuher a remez,
dos fentster tseefnt,
tsepralt farn vint,

hot der tog farhakt zikh in shoyb tsi ken ikh im khapn
vi a foygl in nets

er zol nor nisht tsedrapen mayn hoyt

baym tishl di kave

baym tishl di kave
hot di otems geparet
un verter fun pare
tsu pare getsoygn.
s'iz blo der arum
un grin iz der blishtsh
umgerikht arayn in di oygn.
fun grin tsu gel tsu
gold in tseflamen
s'otemt der nekhtn
af s'nay in nayzamen.
in di odern a tsiter
a farhaltener koym
zol er nor nisht ton
a shprung aroys fun thom.

a shtumenish vos redt

vos hot er gezogt ven r'hot geshvign?
prikre tsu leyenen shtume reyd.
zenen es oygn vos derdringen,
tsi a khvalye-khush git basheyd?

tsu zayne taynes hob ikh kegn-taynes
nor beser nisht tayne|n derfun.
s'veln keyn toyznt verter nisht klekn
tsu farheyln yene vund.

un az er shvaygt, entfer ikh
mit shtilenish vos redt.
kh'hob shoyn lang zikh oysgelernt
shmuesn af aza min geredt.